Անգլիական Պրեմյեր լիգան առաջիկայում նոր պայմանագիր կկնքի արտերկրում խաղերի հեռարձակման իրավունքի վերաբերյալ:
The Telegraph-ի համաձայն՝ գործարքը կավելանա 25 տոկոսով եւ կկազմի ռեկորդային 4.73 միլիարդ եվրո: Նոր պայմանագիրը նախատեսված կլինի մինչեւ 2022 թվականը:
Պատմության մեջ առաջին անգամ Պրեմյեր լիգայի առաջատարները հեռարձակման իրավունքի վաճառքից կստանան ավելի շատ գումար, քան հետնապահները: Սպասվում է, որ տարբերությունը կկազմի 87,5 տոկոս: Անգլիայի չեմպիոնը կստանա լրացուցիչ 29 տոկոս:
Այժմ Պրեմյեր լիգայի յուրաքանչյուր ակումբ տարեկան 47.5 միլիոն եվրո է ստանում արտերկրում խաղերի հեռարձակման իրավունքի վաճառքից:
Հետևեք NEWS.am SPORT-ին Facebook-ում, Twitter և Telegram-ում