ԵԱ. Ռոբերտ Հովհաննիսյանը եւ Հայկ Մարտիրոսյանը հաղթել են երրորդ տուրում

Մակեդոնիայի մայրաքաղաք Սկոպյեում շարունակվող շախմատի տղամարդկանց Եվրոպայի անհատական առաջնության երրորդ տուրում Հայաստանի ներկայացուցիչներից հաղթանակ են տարել Ռոբերտ Հովհաննիսյանը եւ Հայկ Մարտիրոսյանը: Հրանտ Մելքումյանը, Շանթ Սարգսյանը, Մանուէլ Պետրոսյանը, Սամվել Տեր-Սահակյանը եւ Սերգեյ Մովսեսյանը ոչ ոքի են ավարտել իրենց պարտիաները, իսկ Հայաստանի նորընծա չեմպիոն Արման Փաշիկյանը պարտություն է կրել:

Երրորդ տուրից հետո Հրանտ Մելքումյանը եւ Սամվել Տեր-Սահակյանը 2.5-ական միավորով բաժանում են 8-55-րդ տեղերը: Չորրորդ տուրում Շանթ Սարգսյանը սպիտակ խաղաքարերով կմրցի Ռոբերտ Հովհաննիսյանի հետ:

Հիշեցնենք, որ Եվրոպայի առաջնության գլխավոր մրցավարն է Աշոտ Վարդապետյանը: 357 մասնակիցներից 142-ը գրոսմայստերներ են:

Հետևեք NEWS.am SPORT-ին Facebook-ում, Twitter և Telegram-ում