«Միլանի» կիսապաշտպաններ Լուկաս Բիլիան ու Ֆրանկ Կեսյեն վիճել են «Ինտերի» դեմ ֆուտբոլի Իտալիայի առաջնության 28-րդ տուրի խաղում: Միլանյան դերբիի ժամանակ նրանք բախվել են պահեստայինների նստարանին: Վեճին միջամտել են «Միլանի» ֆուտբոլիստները, փոխանցում է Football Italia-ն:
Այդ խաղում Ֆրանկ Կեսյեն փոխարինվել էր 69-րդ րոպեին, իսկ Լուկաս Բիլիան այդ պահին պահեստայինների նստարանին էր: Հանդիպումից հետո 2 ֆուտբոլիստները ներողություն են խնդրել իրենց վարքի համար:
Հիշեցնենք, որ «Ինտերը» հաղթել էր 3:2 հաշվով եւ, շրջանցելով «Միլանին», 53 միավորով բարձրացել երրորդ տեղ: Ջենարո Գատուզոյի գլխավորած թիմը հետ է 2 միավոր:
Հետևեք NEWS.am SPORT-ին Facebook-ում, Twitter և Telegram-ում