Հենրիխ Մխիթարյանը վերսկսել է մարզումները (ֆոտո)

Ֆրանսիական «Ռենի» դեմ Եվրոպայի լիգայի 1/8 եզրափակիչի պատասխան հանդիպումից առաջ Լոնդոնի «Արսենալի» եւ Հայաստանի հավաքականի կիսապաշտպան Հենրիխ Մխիթարյանը վերսկսել է մարզումներն անգլիական թիմի ընդհանուր խմբում։

Մեջքի վնասվածքի պատճառով 30-ամյա ֆուտբոլիստը բաց էր թողել «Մանչեսթեր Յունայթեդի» դեմ Անգլիայի առաջնության 30-րդ տուրի հանդիպումը, որն ավարտվել էր «Արսենալի» հաղթանակով՝ 2։0։

«Ռենի» դեմ պատասխան խաղը Լոնդոնում տեղի կունենա մարտի 14-ին եւ կմեկնարկի Երեւանի ժամանակով կեսգիշերին։ Ֆրանսիայում տեղի ունեցած առաջին խաղում իսպանացի Ունաի Էմերիի գլխավորած թիմը պարտվել է 1։3 հաշվով։

Հետևեք NEWS.am SPORT-ին Facebook-ում, Twitter և Telegram-ում