Աստանայում ավարտված շախմատի կանանց աշխարհի թիմային առաջնության վերջին՝ 9-րդ տուրում Հայաստանի հավաքականը 1:3 հաշվով պարտվեց Ղազախստանի թիմին:
Երկրորդ համար Լիլիթ Մկրտչյանը հաղթեց, իսկ Էլինա Դանիելյանը, Աննա Սարգսյանը եւ Մարիա Գեւորգյանը պարտվեցին:
Հայաստանի հավաքականն առաջնությունն ավարտեց 4 միավորով եւ Հունգարիայի հետ բաժանեց 8-9-րդ տեղերը:
Նախորդ 8 տուրերում հայ շախմատիստուհիները հաղթել էին Եգիպտոսին, պարտվել Ռուսաստանին, Հնդկաստանին, Չինաստանին, ԱՄՆ-ին, Ուկրաինային եւ ոչ ոքի խաղացել Հունգարիայի ու Վրաստանի հետ:
Չեմպիոնի կոչումը ժամանակից շուտ ապահոված Չինաստանի հավաքականը վերջին տուրում 3.5:0.5 հաշվով հաղթեց Ուկրաինային եւ գրանցեց 100 տոկոսանոց արդյունք՝ 18 միավոր: Ռուսները 14 միավորով գրավեցին երկրորդ տեղը, իսկ երրորդ տեղը զբաղեցրեց Վրաստանը, որն Ուկրաինայի պես հավաքեց 12 միավոր:
Հիշեցնենք, որ կանանց Հայաստանի հավաքականն աշխարհի առաջնության մասնակցության իրավունքը ստացել է 2018թ. Օլիմպիադայում 6-րդ տեղ գրավելու շնորհիվ:
Հետևեք NEWS.am SPORT-ին Facebook-ում, Twitter և Telegram-ում