Լոնդոնի «Արսենալի» գլխավոր մարզիչ Ունաի Էմերին, մեկնաբանելով ֆուտբոլի Եվրոպայի լիգայի 1/8 եզրափակիչի առաջին խաղում ֆրանսիական «Ռենից» պարտությունը 1:3 հաշվով, անդրադարձել է նաեւ Հայաստանի հավաքականի կիսապաշտպան Հենրիխ Մխիթարյանին: 41-րդ րոպեին «Արսենալի» հույն պաշտպան Սոկրատիս Պապաստատոպուլոսի հեռացումից հետո Մխիթարյանը հանդես էր եկել աջ պաշտպանի դիրքում:
«Կարմիր քարտից հետո, նախեւառաջ, ցանկանում էի պահպանել ֆուտբոլիստների դիրքերը, քանի որ երկրորդ խաղակեսում մեզ անհրաժեշտ էին թարմ խաղացողներ, որոնք կստեղծեին վտանգավոր պահեր: Երկրորդ խաղակեսում գոլային պահեր շատ չունեցանք, բայց կարծում եմ, որ Մխիթարյանը շատ լավ աշխատեց եւ ցուցադրեց լավ խաղ:
Կարծում եմ՝ ոչ մի խնդիր չկա, որ Մխիթարյանը, օրինակ, 40 կամ 50 րոպե հանդես եկավ աջ պաշտպանի դիրքում: Նա լավ խաղաց»,- Էմերիի խոսքը մեջբերում է ակումբի կայքը:
Հիշեցնենք, որ Ֆրանսիայում կայացած խաղում Հենրիխ Մխիթարյանն անգլիական ակումբի մեկնարկային կազմում հանդես էր եկել առանց փոխարինման: Պատասխան հանդիպումը տեղի կունենա մարտի 14-ին:
Հետևեք NEWS.am SPORT-ին Facebook-ում, Twitter և Telegram-ում
01:10 , 26 ապրիլի 
00:57 , 26 ապրիլի 
00:32 , 26 ապրիլի 
23:16 , 25 ապրիլի 
22:45 , 25 ապրիլի 
22:39 , 25 ապրիլի 
22:16 , 25 ապրիլի 
21:41 , 25 ապրիլի 
20:50 , 25 ապրիլի 
20:17 , 25 ապրիլի 
