Տեսանյութում ներկայացված է հունահռոմեական ըմբշամարտի աշխարհի ու Եվրոպայի չեմպիոն Մաքսիմ Մանուկյանի հաղթական գոտեմարտը Բուլղարիայի Ռուսե քաղաքում անցկացված Դան Կոլովի եւ Նիկոլա Պետրովի անվան ավանդական մրցաշարի եզրափակիչում:
87 կգ քաշային կարգի եզրափակիչում Մանուկյանը ժամանակից շուտ 8:0 հաշվով հաղթել էր ճապոնացի Մասատո Սումիին: Գոտեմարտը տեւել էր 50 վայրկյան:
Եզրափակիչի ճանապարհին Մանուկյանը հաղթել էր չինացի եւ եգիպտացի մրցակիցների, ինչպես նաեւ ուժեղ էր գտնվել Հայաստանի հավաքականի ըմբիշ, 2018թ. աշխարհի առաջնության բրոնզե մեդալակիր Արթուր Շահինյանից՝ 7:0: Բրոնզե մեդալի համար գոտեմարտին Շահինյանը չէր ներկայացել:
82 կգ քաշային կարգում բրոնզե մեդալի համար գոտեմարտել էին Հայաստանի ներկայացուցիչներ Սարգիս Քոչարյանն ու Էդուարդ Սարգսյանը։ 5:0 հաշվով հաղթել էր Սարգիս Քոչարյանը:
Հիշեցնենք, որ Մաքսիմ Մանուկյանն 2017թ. աշխարհի ու 2018թ. Եվրոպայի չեմպիոն էր դարձել 80 կգ քաշային կարգում:
Հետևեք NEWS.am SPORT-ին Facebook-ում, Twitter և Telegram-ում