«Յուվենտուսն» ընդհատեց «Նապոլիի» անպարտելի շարքը տնային խաղերում

Թուրինի «Յուվենտուսը», իտալական A Սերիայի 26-րդ տուրում 2:1 հաշվով արտագնա հաղթանակ տանելով «Նապոլիի» նկատմամբ, ընդհատեց Կարլո Անչելոտիի գլխավորած թիմի անպարտելի շարքը տնային խաղերում:

Մինչեւ այդ հանդիպումը «Նապոլին» բոլոր մրցաշարերում մեկ տարի չէր պարտվել տնային խաղերում: Նախորդ անգամ նեապոլցիները տնային պարտություն կրել էին 2018 թվականի մարտի 3-ին կայացած «Ռոմայի» դեմ խաղում (2:4), փոխանցում է Opta-ն:

Հիշեցնենք, որ 1:2 հաշվի ժամանակ «Նապոլիի» ավագ Լորենցո Ինսինյեն 83-րդ րոպեին վրիպել էր 11 մետրանոցից: Այդ պարտությունից հետո երկրորդ տեղում գտնվող «Նապոլին» արդեն 16 միավոր է զիջում առաջատար «Յուվենտուսին»:

Հետևեք NEWS.am SPORT-ին Facebook-ում, Twitter և Telegram-ում