Հայաստանի ֆուտբոլի ֆեդերացիան հայտարարում է նոր բացառիկ համագործակցության մասին «ՖիդՔոնստրաքթ» ընկերության հետ, որը ձեռք է բերել Հայաստանի ֆուտբոլի ֆեդերացիայի կողմից կազմակերպվող բոլոր պրոֆեսիոնալ մրցումների առցանց վիդեո հեռարձակման և տվյալների օգտագործման բացառիկ իրավունքը, հաղորդում է ՀՖՖ պաշտոնական կայքը:
«Մենք շատ ուրախ ենք, որ Հայաստանի ֆուտբոլի ֆեդերացիան սկում է համագործակցությունը FeedConstruct ընկերության հետ՝ ՀՖՖ-ի կողմից պրոֆեսիոնալ առաջնությունների կազմակերպման շրջանակներում: Մենք համոզված ենք, որ «ՖիդՔոնսթրաքթի» միջոցով մենք կկարողանանք բարձրացնել մեր առաջնության մակարդակը և հասանելի կլինենք ավելի լայն լսարանի և ֆուտբոլի սիրահարների համար ողջ աշխարհում»,- ասել է ՀՖՖ ֆուտբոլի դեպարտամենտի պետ, ՀՖՖ գլխավոր քարտուղարի տեղակալ Արթուր Ազարյանը:
«Ես ոգևորությամբ հայտարարում եմ Հայաստանի ֆուտբոլի ֆեդերացիայի հետ համագործակցություն սկսելու մասին: Մենք պատիվ ունենք ներկայացնել ՀՖՖ-ն համաշխարհային շուկայում: Այս համագործակցությունը տարվա ագրեսիվ սկզբի ապացույց է մեզ համար: Սա ևս մեկ քայլ է երկու կողմերի գլոբալ զարգացման ճանապարհին», - ասել է «ՖիդՔոնստրաքթ» ընկերության ղեկավար Ջորջ Արաբաթլյանը:
«ՖիդՔոնսթրաքթը» սպորտային իրադարձությունների թվային կոնտենտ և դատա մատակարարող ճանաչված ընկերություններից է: Ներառելով իրենց չորս ապրանքատեսակները մեկ հարթակում՝ «ՖիդՔոնսթրաքթը» իրականացրել է բարձրորակ ուղիղ հեռարձակումներ, տվյալների գործակիցները, վիճակագրական և սկաուտային տվյալների ծառայությունը դարձրել է առավել հասանելի:
Հետևեք NEWS.am SPORT-ին Facebook-ում, Twitter և Telegram-ում
11:12 , 20 ապրիլի 
10:21 , 20 ապրիլի 
09:07 , 20 ապրիլի 
00:47 , 20 ապրիլի 
23:08 , 19 ապրիլի 
22:26 , 19 ապրիլի 
21:51 , 19 ապրիլի 
21:03 , 19 ապրիլի 
20:26 , 19 ապրիլի 
19:28 , 19 ապրիլի 
