Եվրոպայի ու աշխարհի կրկնակի չեմպիոն, Օլիմպիական խաղերի կրկնակի փոխչեմպիոն Եվգենյա Մեդվեդեւան ընգրկվել է գեղասահքի կանանց Ռուսաստանի հավաքականի հիմնական կազմում եւ կմասնակցի աշխարհի առաջնությանը, հայտնում է Eurosport-ը:
Ռուսաստանահայ մարզուհու թեկնածության օգտին կողմ են քվեարկել Ռուսաստանի գեղասահքի ֆեդերացիայի մարզչական խորհրդի 27 անդամներ: Կանանց Ռուսաստանի հավաքականի կազմում են նաեւ Սոֆիյա Սամոդուրովան ու Ալինա Զագիտովան:
Գեղասահքի աշխարհի առաջնությունը տեղի կունենա մարտի 19-24-ը Ճապոնիայի Սայտամա քաղաքում:
Հիշեցնենք, որ վերջերս Եվգենյա Մեդվեդեւան նվաճել էր Ռուսաստանի գավաթի խաղարկության կանանց մենասահքի հաղթողի կոչումը:
Հետևեք NEWS.am SPORT-ին Facebook-ում, Twitter և Telegram-ում