NEWS.am Sport-ը ներկայացնում է #Corner Սամվել Սուքիասյանի հետ ֆուտբոլային նախագծի 19-րդ թողարկումը՝ նախորդ օրերին հայկական ֆուտբոլում տեղի ունեցած գլխավոր իրադարձությունների ամփոփմամբ:
Բելառուսի «Լուչ» տեղափոխված Հայաստանի հավաքականի դարպասապահ Արսեն Բեգլարյանը #Corner-ին պատմել է առաջին տպավորությունների, նոր առաջնությունում իր նպատակների, Եվրոպայի առաջնության ընտրական մրցաշարում Հայաստանի հավաքականի հնարավորությունների մասին:
#Corner-ը Բելեկում ներկա է եղել Հայաստանի չեմպիոն «Ալաշկերտի» ստուգողական հանդիպմանը Ղազախստանի առաջնության բրոնզե մեդալակիր «Օրդաբասիի» հետ: Երեւանյանը թիմը հաղթել էր 2:1 հաշվով:
Հայաստանի հավաքականի եւ Լոնդոնի «Արսենալի» կիսապաշտպան Հենրիխ Մխիթարյանը «Սաութհեմփթոնի» դեմ Անգլիայի առաջնության 27-րդ տուրի խաղում դարձավ գոլի եւ գոլային փոխանցման հեղինակ: Նախորդ անգամ հայ ֆուտբոլիստն անգլիական թիմի կազմում աչքի էր ընկել մոտ երկու ամիս առաջ՝ դարձյալ «Սաութհեմփթոնի» դեմ խաղում դառնալով դուբլի հեղինակ:
Մխիթարյանի «մենահամերգը» շարունակվեց այս գիշեր տեղի ունեցած Անգլիայի առաջնության 28-րդ տուրի խաղում: «Արսենալը» 5:1 հաշվով հաղթեց «Բորնմութին», իսկ 30-ամյա ֆուտբոլիստը դարձավ գոլի եւ երկու գոլային փոխանցման հեղինակ: Այդ մասին #Corner-ի հաջորդ թողարկմանը:
Հայաստանի առաջնության վերսկսումից մի քանի օր առաջ հայկական ակումբները ակտիվ են տրանսֆերային շուկայում: #Corner-ը ներկայացնում է թիմերի ամենանշանակալի ձեռքբերումները նախորդ օրերին:
Հայկական թիմերն անցկացրին վերջին ստուգողական հանդիպումները արտագնա մարզումային հավաքների ծրագրերով:
Վերջում էլ զավեշտալի տեսանյութեր տարբեր երկրներից:
Հետևեք NEWS.am SPORT-ին Facebook-ում, Twitter և Telegram-ում