00:56  +04,  25 փետրվարի, 2019

«Տաքսի» ֆիլմի աստղ Սամի Նասերին՝ Երեւանում կայացած MIX FIGHT 40 մրցաշարին (ֆոտոշարք)

Երեւանում փետրվարի 24-ին անցկացվեց MIX FIGHT 40 մրցաշարը (ֆոտոռեպորտաժ), որին ներկա էր նաեւ «Տաքսի» ֆիլմաշարի գլխավոր դերասան Սամի Նասերին, փոխանցում է NEWS.am Sport-ի թղթակիցը:

Լեփ-լեցուն տրիբունաներով անցած մրցաշարի գլխավոր մենամարտերի ժամանակ մարզադահլիճում էր նաեւ ՀԱՕԿ նախագահ Գագիկ Ծառուկյանը:

Նախկին «Միկա» մարզադահլիճում անցկացված երեկոյի գլխավոր մենամարտում հանդես եկավ խառը մենամարտերում (MMA) Հայաստանի առաջատար մարզիկներից Դավիթ Խաչատրյանը, որը Եվրոպական չեմպիոնական գոտու համար 3 ռաունդանոց մենամարտում միավորներով հաղթեց իտալացի Սիմոնե Բոտինոյին: Խաչատրյանը 25-րդ հաղթանակը տարավ խառը մենամարտերում, որտեղ կրել է նաեւ 4 պարտություն:

Դավիթ Խաչատրյանին չեմպիոնական գոտին հանձնեց Գագիկ Ծառուկյանը, Սամի Նասերին եւս բարձրացավ ռինգ եւ շնորհավորեց հայ մարտիկին:

Երեկոյի ընթացքում անցկացվեցին 15 մենամարտեր՝ MMA-ի ու K-1-ի կանոններով: Մենամարտերից երեքը չեմպիոնական գոտու համար էին: WKL վարկածով աշխարհի չեմպիոնական գոտու համար մենամարտում հաղթանակ տարավ Հայաստանը ներկայացնող Ռազմիկ Ղուլինյանը (68 կգ), որն ուժեղ գտնվեց իսպանացի Մանուել Գարսիայից:

Լուսինե Շահբազյան

Ֆոտո՝ Արսեն Սարգսյան

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ