«Լիվերպուլի» դեմ հանդիպումից առաջ «Օլդ Տրաֆորդի» խաղադաշտում սխտոր են փոշեցրել

Մանչեսթերի «Օլդ Տրաֆորդ» ստադիոնի աշխատակիցները Անգլիայի առաջնության 27-րդ տուրի «Մանչեսթեր Յունայթեդ» - «Լիվերպուլ» հանդիպման նախօրեին խաղադաշտում փոշեցրել են սխտորի լուծույթ, հաղորդում է MirrorFootball-ը:

Շատ երկրպագուների մոտ այս փաստը հարցեր է առաջացրել, սակայն պարզվել է, որ այդ եղանակով խոտածածկը պաշտպանում են միջատներից: Այս լուծումը նոր չէ: Անգլիայի Պրեմյեր լիգայի մի քանի ակումբներ եւս միջատների դեմ պայքարում օգտագործել են սխտոր եւ գրանցել գերազանց արդյունք:

«Մանչեսթեր Յունայթեդ» - «Լիվերպուլ» հանդիպումը տեղի կունենա փետրվարի 24-ին եւ կմեկնարկի Երեւանի ժամանակով 18:05-ին:

Հետևեք NEWS.am SPORT-ին Facebook-ում, Twitter և Telegram-ում