Լոնդոնի «Չելսիի» ղեկավարությունը դիտարկում է թիմի գլխավոր մարզիչ Մաուրիցիո Սարիին հնարավոր փոխարինողների տարբերակները:
Sky Sports-ի համաձայն՝ իտալացի մասնագետին փոխարինողի թեկնածուների թվում է նաեւ «Չելսիի» եւ Անգլիայի հավաքականի նախկին կիսապաշտպան Ֆրենկ Լեմպարդը, որն աշխատում է անգլիական Չեմպիոնշիփում հանդես եկող «Դերբիում»: Նշվում է, որ Սարիի հեռացման դեպքում «Չելսին» կարող է գլխավոր մարզիչի պաշտոնակատար նշանակել նրա օգնական Ջանֆրանկո Ձոլային, իսկ հետո հրավիրել 40-ամյա Լեմպարդին:
Հիշեցնենք, որ Մաուրիցիո Սարին այս մրցաշրջանից առաջ է գլխավորել անգլիական ակումբը, որը Պրեմյեր լիգայում 50 միավորով «Արսենալի» հետ բաժանում է 5-6-րդ տեղերը:
Հետևեք NEWS.am SPORT-ին Facebook-ում, Twitter և Telegram-ում