Լոնդոնի «Չելսին» լրջորեն մտածում է թիմի գլխավոր մարզիչ Մաուրիցիո Սարիին պաշտոնանկ անելու մասին
The Guardian-ի համաձայն՝ իտալացի մասնագետը կհեռացվի զբաղեցրած պաշոնից, եթե Անգլիական լիգայի գավաթի խաղարկության եզրափակիչում «Չելսին» պարտվի «Մանչեսթեր Սիթիին»:
Սարիի հեռացումը կարող է տեղի ունենալ նաեւ ավելի շուտ, եթե «Չելսին» Եվրոպայի լիգայի 1/16 եզրափակիչում չհաղթահարի շվեդական «Մալմեի» արգելքը: Առաջին խաղում լոնդոնցիները հաղթել են 2:1 հաշվով, իսկ պատասխան հանդիպումը կկայանա փետրվարի 21-ին Լոնդոնում:
Անգլիական լիգայի գավաթի խաղարկության եզրափակիչը տեղի կունենա փետրվարի 24-ին:
Անգլիայում լոնդոնյան ակումբը նախորդ 2 խաղերում պարտվել է «Մանչեսթեր Սիթիին» (0:6) եւ «Մանչեսթեր Յունայթեդին» (0:2):
Հիշեցնենք, որ Մաուրիցիո Սարին այս մրցաշրջանից առաջ է գլխավորել անգլիական ակումբը, որը Պրեմյեր լիգայում 50 միավորով «Արսենալի» հետ բաժանում է 5-6-րդ տեղերը:
Հետևեք NEWS.am SPORT-ին Facebook-ում, Twitter և Telegram-ում