Լեւոն Աղասյանը երրորդ տարին անընդմեջ հաղթել է Բալկանյան երկրների առաջնությունում

Հայաստանի ներկայացուցիչ Լեւոն Աղասյանը երրորդ տարին անընդմեջ նվաճել է աթլետիկայի Բալկանյան երկրների ձմեռային առաջնության եռացատկի չեմպիոնի տիտղոսը:

Թուրքիայի Ստամբուլ քաղաքում անցկացված մրցաշարում կապանցի 24-ամյա եռացատկորդը հաղթել է 16.71 մ արդյունքով։ Արծաթե եւ բրոնզե մեդալները բաժին են հասել Ադրբեջանի ներկայացուցիչ Նազիմ Բաբաեւին (16.68 մ) եւ թուրք Օզիպեկ Ջանին (16.21):

Հայաստանի մեկ այլ ներկայացուցիչ Երվանդ Մկրտչյանը 1500 մ վազքատարածությունում 3.44.55 արդյունքով գրավել է երրորդ տեղը:

Հիշեցնենք, որ Լեւոն Աղասյանը Ռիո-2016 Օլիմպիական խաղերի մասնակից է:

Հետևեք NEWS.am SPORT-ին Facebook-ում, Twitter և Telegram-ում