Մադրիդի «Աթլետիկոյի» գլխավոր մարզիչ Դիեգո Սիմեոնեի ընտանիքում համալրում է տեղի ունեցել: Արգենտինացի մասնագետի կին Կարլա Պերեյրան ունեցել է դուստր, որին անվանակոչել են Վալենտինա: Դա նրանց 5-րդ զավակն է:
«Բարի գալուստ, Վալենտինա»,- Ինստագրամում գրել է Սիմեոնեն՝ տեղադրելով նորածին դստեր լուսանկարը:
Հիշեցնենք, որ 48-ամյա Սիմեոնեն մինչեւ այս ուներ 3 որդի եւ մեկ դուստր: Նրա որդիներ Ջովանին ու Ջանլուկան պրոֆեսիոնալ ֆուտբոլիստներ են: 23-ամյա հարձակվող Ջովանի Սիմեոնեն խաղում է իտալական «Ֆիորենտինայում», իսկ Ջանլուկան՝ արգենտինական «Խիմնասիա եւ Էսգրիմայում»:
Հետևեք NEWS.am SPORT-ին Facebook-ում, Twitter և Telegram-ում