21:51  +04,  10 փետրվարի, 2019

«Չելսին» խայտառակվեց Մանչեսթերում (տեսանյութ)

Լոնդոնի «Չելսին» խայտառակ պարտություն կրեց «Մանչեսթեր Սիթիի» դեմ անգլիական Պրեմյեր լիգայի 26-րդ տուրի կենտրոնական խաղում, որն ավարտվեց սենսացիոն 6:0 հաշվով (տեսանյութ):

Խոսեպ Գվարդիոլայի գլխավորած թիմը չափազանց վստահ սկսեց խաղը եւ գոլեր էր խփում մեկը մյուսի հետեւից: 25-րդ րոպեին հաշիվն արդեն 4:0 էր՝ հօգուտ «Մանչեսթեր Սիթիի»: Առաջին խաղակեսի երկրորդ հատվածում մանչեսթերցիները նվազեցրին ճնշումը, իսկ «Չելսին» ստացավ տարածքային առավելություն, որը գոլի վերածել չէր հաջողվում: Երկրորդ խաղակեսում եւս լոնդոնյան ակումբի գրոհները չէին հասնում իրենց նպատակին, իսկ դաշտի տերերը խփեցին եւս 2 գոլ:

«Մանչեսթեր Սիթիից» հեթ-տրիկի հեղինակ դարձավ արգենտինացի հարձակվող Սերխիո Ագուերոն, իսկ անգլիացի կիսապաշտպան Ռահիմ Ստերլինգը դուբլ ձեւակերպեց: Եվս մեկ գոլ խփեց գերմանացի կիսապաշտպան Իլկայ Գյունդոգանը:

Սերխիո Ագուերոն 17 գոլով հավասարվեց Պրեմյեր լիգայի ռմբարկուների ցուցակը գլխավորող Մոհամեդ Սալահին («Լիվերպուլ»):

1992-ին հիմնադրված Պրեմյեր լիգայում «Չելսին» առաջին անգամ բաց թողեց 6 գոլ: Բացի այդ, մինչեւ այս լոնդոնյան ակումբի ամենախոշոր հաշվով պարտությունը եղել էր 4 գոլի տարբերությամբ:

Այս հաղթանակից հետո «Մանչեսթեր Սիթին» վաստակեց 65 միավոր եւ հավասարվեց առաջատար «Լիվերպուլին», որից մեկ հանդիպում ավելի է անցկացրել: Խփած եւ բաց թողած գոլերի ցուցանիշով մանչեսթերցիներն առաջին տեղում են: «Չելսին» ունի 50 միավոր եւ «Արսենալի» հետ բաժանում է 5-6-րդ տեղերը:

Անգլիայի առաջնություն, 26-րդ տուր

«Մանչեսթեր Սիթի» - «Չելսի»՝ 6:0

Ռահիմ Ստերլինգ, 4, 80, Սերխիո Ագուերո, 13, 19, 56 (11մ), Իլկայ Գյունդոգան, 25

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս
  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ