17:41  +04,  8 փետրվարի, 2019

Ֆրանսիական ակումբները կհարգեն Սալայի հիշատակը, «Նանտը» շրջանառությունից հանել է նրա խաղային համարը

Ֆրանսիական «Լիգա-1»-ը կհարգի «Նանտի» նախկին հարձակվող Էմիլիանո Սալայի հիշատակը:

Առաջիկա հանգստյան օրերին Ֆրանսիայի առաջնության ու «Լիգա-2»-ի բոլոր խաղերից առաջ մեկ րոպե ծափահարություններ կհնչեն արգենտինացի ֆուտբոլիստի պատվին:

«Նանտն» էլ իր հերթին շրջանառությունից հանել է 9 համարի մարզաշապիկը, որով հանդես էր գալիս Էմիլիանո Սալան, հաղորդում է ակումբի մամուլի ծառայությունը:

Հիշեցնենք, որ փետրվարի 8-ին հայտնի էր դարձել, որ Լա Մանշ նեղուցում ստորջրյա որոնողական գործողությունների արդյունքում հայտնաբերված դին Էմիլիանո Սալայինն է:

Անգլիայի Պրեմյեր լիգայում հանդես եկող «Կարդիֆ Սիթիի» նորեկին տեղափոխած ինքնաթիռը հունվարի 21-ին անհետացել էր Ֆրանսիայի Նանտ քաղաքից Ուելսի մայրաքաղաք Կարդիֆ ուղեւորվելիս: Ինքնաթիռը նախատեսված վայրեջքից մեկ ժամ առաջ ռադարների էկրանից անհետացել էր Լա Մանշի ջրերի վրա: Piper Malibu թեթեւ ինքնաթիռում Սալայից բացի եղել էր միայն օդաչու Դեւիդ Իբոտսոնը:

28-ամյա ֆուտբոլիստն Ուելս էր մեկնել նույն ինքնաթիռով, որով դրանից օրեր առաջ Ֆրանսիա էր վերադարձել «Կարդիֆ Սիթիի» հետ պայմանագիր կնքելուց հետո: Օրեր առաջ հրապարկվել էին նաեւ ինքնաթիռի բեկորների կադրեր ծովի հատակից:

Ուելսյան ակումբը 20,5 միլիոն եվրոյով էր գնել Էմիլիանո Սալային, որը 2015 թվականից հանդես էր գալիս ֆրանսիական «Նանտում»:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս
  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ