Ջիբրալթարում ավարտին մոտեցող Gibraltar Masters մրցաշարում հունվարի 31-ին անցկացվում է վերջին՝ 10-րդ տուրը:
Հայկական շախմատի առաջատար Լեւոն Արոնյանը սպիտակ ֆիգուրներով մրցում է անգլիացի գրոսմայստեր Դեւիդ Հոուելի հետ:
Հայաստանի մյուս ներկայացուցիչներից Հրանտ Մելքումյանը սեւերով խաղում է չեխ Դավիդ Նավարայի հետ, իսկ կանանց Հայաստանի հավաքականի առաջատար Էլինա Դանիելյանի վերջին մրցակիցը հոլանդացի Ջերարդ Ուիլինգն է:
Վերջին տուրից առաջ Լեւոն Արոնյանը եւ Հրանտ Մելքումյանը վաստակել են 6.5-ական միավոր եւ մեկական միավոր զիջում են միանձնյա առաջատար, 20-ամյա ռուսաստանցի Վլադիսլավ Արտեմեւին: 2-4-րդ տեղերը բաժանող 3 շախմատիստները հավաքել են 7-ական միավոր: Էլինա Դանիելյանն ունի 4 միավոր:
Հիշեցնենք, որ Լեւոն Արոնյանը Gibraltar Masters-ի գործող հաղթողն է: Նախորդ տարի հայ գրոսմայստերը եզրափակիչ թայ-բրեյքում ուժեղ էր գտնվել ֆրանսիացի Մաքսիմ Վաշյե-Լագրավից:
Մրցաշարի հաղթողը կստանա 25 հազար ֆունտ ստերլինգ: Գումարային պարգեւ կստանան 1-15-րդ տեղ գրաված շախմատիստները:
Round 10 pairings are out
— Gibraltar International Chess Festival (@GibraltarChess) January 30, 2019
Yu Yangyi (7) v. Artemiev (7.5)
Karthikeyan (7) v. MVL (7)
Aronian (6.5) v. Howell (6.5)
Nakamura (6.5) v. Grandelius (6.5)
Navara (6.5) v. Melkumyan (6.5)
Join us for all the action at 11AM CET https://t.co/G0LPDVuV72 #GibChess pic.twitter.com/HCU9LEiUZj
Հետևեք NEWS.am SPORT-ին Facebook-ում, Twitter և Telegram-ում