Օլիմպիական խաղերի ութակի չեմպիոն, 100 եւ 200 մետր վազքի աշխարհի ռեկորդակիր, ավստրալական «Սենթրալ Քոսթ Մարիներս» ակումբի կազմում նախորդ տարի ֆուտբոլիստի կարիերա սկսած Ուսեյն Բոլթը հայտարարել է, որ հեռանում է ֆուտբոլից: Այդ մասին 32-ամյա ջամայկացին հայտնել է NBC Sports-ի հետ հարցազրույցում:
«Դա լավ փորձ էր ինձ համար: Ինձ դուր էր գալիս լինել թիմում: Դա տարբերվում էր աթլետիկայի կարիերայից, եւ ես մեծ հաճույք ստացա թիմում խաղալիս»,- Բոլթի խոսքը մեջբերում է Goal.com-ը:
Հիշեցնենք, որ 2017-ին աթլետի կարիերան ավարտած Ուսեյն Բոլթը սկսել էր ֆուտբոլիստի կարիերա եւ նախորդ տարվա հոկտեմբերի 12-ին առաջին գոլերն էր խփել «Սենթրալ Քոսթ Մարիներսի» կազմում: «Մաքարտուր Վեստ Կոս Յունայթեդի» դեմ Ավստրալիայի առաջնության նախամրցաշրջանային խաղում ջամայկացի նախկին արագավազորդը դարձել էր դուբլի հեղինակ: 57-րդ րոպեին Բոլթն առաջին գոլն է խփել պրոֆեսիոնալ ֆուտբոլում, իսկ 11 րոպե անց աչքի է ընկել եւս մեկ անգամ: «Սենթրալ Քոսթ Մարիներսը» հաղթել էր 4:0 հաշվով, իսկ նախկին աթլետն առաջին անգամ հանդես է եկել մեկնարկային կազմում:
Հետևեք NEWS.am SPORT-ին Facebook-ում, Twitter և Telegram-ում
17:45 , 19 ապրիլի 
16:10 , 19 ապրիլի 
15:09 , 19 ապրիլի 
14:14 , 19 ապրիլի 
13:44 , 19 ապրիլի 
13:15 , 19 ապրիլի 
12:50 , 19 ապրիլի 
12:14 , 19 ապրիլի 
11:40 , 19 ապրիլի 
11:09 , 19 ապրիլի 
