Հայկական շախմատի առաջատար Լեւոն Արոնյանը հաղթանակով է մեկնարկել Gibraltar Masters մրցաշարում (10 տուր):
Ջիբրալթարում անցկացվող ավանդական մրցաշարի առաջին տուրում Արոնյանը սպիտակներով առավելության է հասել Ինդոնեզիան ներկայացնող կանանց գրոսմայստեր Իրինե Սուկանդերի նկատմամբ: Երկրորդ տուրում հայ գրոսմայստերը սեւերով կմրցի ուկրաինուհի Մարիա Մուզիչուկի հետ:
Հաղթանակով է մեկնարկել նաեւ Հայաստանի մեկ այլ ներկայացուցիչ Հրանտ Մելքումյանը, որը սպիտակներով ուժեղ է գտնվել ռուս Դինա Բելենկայայից, իսկ կանանց Հայաստանի հավաքականի առաջատար Էլինա Դանիելյանը սեւերով ոչ ոքի է խաղացել մեքսիկացի Ավիլա Ամեյալիի հետ:
Հիշեցնենք, որ Լեւոն Արոնյանը Gibraltar Masters-ի գործող հաղթողն է: Նախորդ տարի հայ գրոսմայստերը եզրափակիչ թայ-բրեյքում ուժեղ էր գտնվել ֆրանսիացի Մաքսիմ Վաշյե-Լագրավից:
Մրցաշարի հաղթողը կստանա 25 հազար ֆունտ ստերլինգ: Գումարային պարգեւ կստանան 1-15-րդ տեղ գրաված շախմատիստները:
Հետևեք NEWS.am SPORT-ին Facebook-ում, Twitter և Telegram-ում
16:21 , 20 ապրիլի 
15:16 , 20 ապրիլի 
14:20 , 20 ապրիլի 
13:11 , 20 ապրիլի 
12:10 , 20 ապրիլի 
11:12 , 20 ապրիլի 
10:21 , 20 ապրիլի 
09:07 , 20 ապրիլի 
00:47 , 20 ապրիլի 
23:08 , 19 ապրիլի 
