«Բարսելոնայի» նորեկ, գանացի կիսապաշտպան Կեւին-Պրինս Բոատենգը հիացմունքով է խոսել կատալոնական թիմի հարձակման առաջատարներ, արգենտինացի Լիոնել Մեսիի եւ ուրուգվայցի Լուիս Սուարեսի մասին:
«Ինձ համար մեծ պատիվ է հանդես գալ «Բարսելոնայում», քանի որ Մեսին աշխարհի լավագույն ֆուտբոլիստն է, իսկ Լուիս Սուարեսը՝ լավագույն հարձակվողը: Մեսին 10 տարվա մրցելույթով ապացուցել է, որ ամենալավն է: Նրանք երկուսով ցուցադրում են հիանալի ֆուտբոլ, իսկ նրանց հետ նույն թիմում խաղալը հրաշալի նվեր է»,- Բոատենգի խոսքը մեջբերում է fourfourtwo-ն:
Հիշեցնենք, որ կատալոնական ակումբը մինչեւ այս մրցաշրջանի ավարտը 2 միլիոն եվրոյով վարձակալել է 31-ամյա ֆուտբոլիստին: Մրցաշրջանի վերջում «Բարսելոնան» հնարավորություն կունենա 8 միլիոնով գնել Բոատենգի տրանսֆերային իրավունքը:
Գանացի կիսապաշտպանը 2018-ին Ֆրանկֆուրտի «Այնտրախտից» էր տեղափոխվել «Սասուոլո», որի կազմում մասնակցել է Իտալիայի ընթացիկ առաջնության 13 խաղի եւ դարձել 4 գոլի հեղինակ: Իսպանիայում նա 2016-2017-ը հանդես է եկել «Լաս Պալմասում»:
Հետևեք NEWS.am SPORT-ին Facebook-ում, Twitter և Telegram-ում
00:47 , 20 ապրիլի 
23:08 , 19 ապրիլի 
22:26 , 19 ապրիլի 
21:51 , 19 ապրիլի 
21:03 , 19 ապրիլի 
20:26 , 19 ապրիլի 
19:28 , 19 ապրիլի 
19:15 , 19 ապրիլի 
18:50 , 19 ապրիլի 
18:32 , 19 ապրիլի 
