Թուրինի «Յուվենտուսի» պորտուգալացի հարձակվող Կրիշտիանու Ռոնալդուն ընդունել է իր մեղքը հարկերից խուսափելու գործով:
Իսպանիայի հարկային ծառայությունը Մադրիդի «Ռեալի» նախկին ֆուտբոլիստին մեղադրել էր 2011-2014 թվականներին 14.7 միլիոն եվրո հարկ չվճարելու մեջ:
Football Italia-ի համաձայն՝ Ռոնալդուն դատապարտվել է 23 ամսվա ազատազրկման, սակայն Իսպանիայի օրենսդրության համաձայն՝ կխուսափի բանտարկությունից: 33-ամյա ֆուտբոլիստը կվճարի 18.8 միլիոն եվրո տուգանք:
Հիշեցնենք, որ Ռոնալդուն Պորտուգալիայի հավաքականի ավագը «Ռեալում» խաղացել է 2009-2018-ը, իսկ այս մրցաշրջանից առաջ տեղափոխվեց իտալական ակումբ:
Հետևեք NEWS.am SPORT-ին Facebook-ում, Twitter և Telegram-ում