Կրասնոյարսկի «Ենիսեյի» եւ Հայաստանի հավաքականի հարձակվող Արթուր Սարկիսովը երկրպագուների հարցերին է պատասխանել Instagram Stories-ում:
«Լավագույն ֆուտբոլիստը, որի հետ ես խաղացել եմ Հենրիխ Մխիթարյանն է:
Իմ կարիերայում ամենավառ հանդիպումը համարում եմ Իռլանդիա – Հայաստան վճռական խաղը:
Հավաքականում իմ ամենամտերիմ ընկերը Ռուսլան Կորյանն է»,- գրել է Սարկիսովը՝ արձագանքելով համապատասխան հարցերին:
Ռուսաստանի ընթացիկ առաջնության 16 խաղում Արթուր Սարկիսովը խփել է 1 գոլ: Հայաստանի հավաքականում անցկացրած 39 խաղում նա աչքի է ընկել 6 անգամ:
Հետևեք NEWS.am SPORT-ին Facebook-ում, Twitter և Telegram-ում