Տիգրան Պետրոսյանի անվան շախմատի տանն ավարտվեցին շախմատի Հայաստանի առաջնություննները:
Ժամանակից շուտ Հայաստանի չեմպիոնի տիտղոսն ապահոված Արման Փաշիկյանը վերջին՝ 9-րդ տուրում սեւերով ոչ ոքի խաղաց Տիգրան Հարությունյանի հետ եւ մրցաշարն ավարտեց 6.5 միավորով: Երկրորդ տեղը զբաղեցրեց 5.5 միավոր հավաքած Հայկ Մարտիրոսյանը, որը չկարողացավ պաշտպանել Հայաստանի չեմպիոնի կոչումը:
Երրորդ տեղը գրավեց Սամվել Տեր-Սահակյանը, որը վաստակեց 5 միավոր եւ Զավեն Անդրիասյանից ու Ռոբերտ Հովհաննիսյանից առաջ անցավ լրացուցիչ ցուցանիշներով:
Արման Փաշիկյանը Հայաստանի չեմպիոն դարձել էր նաեւ 2009 թվականին:
Կանանց Հայաստանի 74-րդ առաջնության չեմպիոնի կոչմանն արժանացավ Մարիա Գեւորգյանը, որը հաղթեց նաեւ վերջին տուրում եւ վաստակեց 7 միավոր: Սուսաննա Գաբոյան 6 միավորով երկրորդն էր, իսկ Սիրանուշ Ղուկասյանը նույն արդյունքով գրավեց երրորդ տեղը:
Մարիա Գեւորգյանը Հայաստանի չեմպիոն դարձավ երրորդ անգամ: Նա նման հաջողության հասել էր նաեւ 2016 եւ 2017 թվականներին:
Հիշեցնենք, որ 2018թ. կանանց Հայաստանի չեմպիոն Մարիա Կուրսովան առողջական խնդիրների պատճառով առաջնության ընթացքում հրաժարվել էր պայքարից: Կուրսովայի մասնակցությամբ պարտիաների արդյունքները հաշվի չեն առնվել:
Մրցաշարերում առաջին տեղ զբաղեցրած շախմատիստները կընդգրկվեն Հայաստանի հավաքականների կազմերում։
Հայաստանի առաջնություն, 9-րդ տուր
Տիգրան Հարությունյան - Արման Փաշիկյան՝ 0.5:0.5
Տիգրան Պետրոսյան - Զավեն Անդրիասյան՝ 0:1
Արամ Հակոբյան - Ռոբերտ Հովհաննիսյան՝ 0.5:0.5
Սամվել Տեր-Սահակյան - Շանթ Սարգսյան՝ 0.5:0.5
Մանուել Պետրոսյան - Հայկ Մարտիրոսյան՝ 0:1
Մրցաշարային դրությունը վերջին տուրից հետո. Փաշիկյան՝ 6.5 միավոր, Մարտիրոսյան՝ 5.5, Տեր-Սահակյան, Հովհաննիսյան, Անդրիասյան՝ 5-ական, Տ. Պետրոսյան՝ 4.5, Հակոբյան՝ 4, Սարգսյան՝ 3.5, Մ. Պետրոսյան, Մարտիրոսյան՝ 3-ական:
Կանանց Հայաստանի առաջնություն, 9-րդ տուր
Մարիա Գեւորգյան - Անահիտ Մկրտչյան՝ 1:0
Մարիամ Ավետիսյան - Արփինե Գրիգորյան՝ 1:0
Սիրանուշ Ղուկասյան - Մարիամ Մկրտչյան՝ 1:0
Աննա Խաչատրյան - Սուսաննա Գաբոյան՝ 0:1
Մրցաշարային դրությունը վերջին տուրից հետո. Գեւորգյան՝ 7 միավոր, Գաբոյան, Ղուկասյան՝ 5.5-ական, Ավետիսյան՝ 4.5, Խաչատրյան, Գրիգորյան՝ 4-ական, Հակոբյան՝ 2.5, Մ. Մկրտչյան, Ա. Մկրտչյան՝ 2-ական:
Ֆոտո՝ Էմմա Ասատրյան
Հետևեք NEWS.am SPORT-ին Facebook-ում, Twitter և Telegram-ում
12:10 , 20 ապրիլի 
11:12 , 20 ապրիլի 
10:21 , 20 ապրիլի 
09:07 , 20 ապրիլի 
00:47 , 20 ապրիլի 
23:08 , 19 ապրիլի 
22:26 , 19 ապրիլի 
21:51 , 19 ապրիլի 
21:03 , 19 ապրիլի 
20:26 , 19 ապրիլի 
