Աշխարհի երկրորդ ռակետ Ռաֆայել Նադալը Մելբուրնում անցկացվող թենիսի Ավստրալիայի բաց առաջնության չորրորդ շրջանում վստահ հաղթանակ տարավ Տոմաշ Բերդիխի նկատմամբ եւ դուրս եկավ քառորդ եզրափակիչ: 2 ժամ 7 րոպե տեւած մրցախաղում իսպանացի թենիսիստը հաղթեց 6:0, 6:1, 7:6 հաշվով:
Քառորդ եզրափակիչում Նադալը կխաղա 21-ամյա ամերիկացի Ֆրենսիս Տյաֆոյի հետ, որը պայքարից դուրս թողեց բուլղարացի Գրիգոր Դիմիտրովին:
Նախորդ փուլում Australian Open-ի գործող չեմպիոն Կարոլին Վոզնյացկուն պայքարից դուրս թողած ռուս Մարիա Շարապովան անակնկալ պարտություն կրեց ավստրալացի Էշլի Բարտիից՝ 6:4, 1:6, 4:6: Մրցախաղը տեւեց 2 ժամ 23 րոպե: Ավստրալուհու հաջորդ մրցակիցը կլինի չեխ Պետրա Կվիտովան:
Հետևեք NEWS.am SPORT-ին Facebook-ում, Twitter և Telegram-ում