GOAL! No time wasted in the second half. @MoSalah with a brilliant, brilliant finish! Let's get another one now, Reds!!
— Liverpool FC (@LFC) 19 января 2019 г.
[1-1] pic.twitter.com/iMTHvQEZRr
Անգլիայի առաջնության 23-րդ տուրում առաջատար «Լիվերպուլն» ընդունեց «Քրիսթալ Փելասին» եւ առավելության հասավ 4:3 հաշվով: Գերմանացի Յուրգեն Կլոպի գլխավորած թիմին հաղթանակ բերեցին եգիպտացի Մոհամեդ Սալահի դուբլը եւ բրազիլացի Ռոբերտո Ֆիրմինոյի ու սենեգալցի Սադիո Մանեի գոլերը:
«Լիվերպուլը» մրցաշարային աղյուսակը գլխավորում է 60 միավորով եւ 7 միավոր առաջ է մեկ հանդիպում քիչ անցկացրած չեմպիոն «Մանչեսթեր Սիթիից»:
«Մանչեսթեր Յունայթեդը» 45-ամյա նորվեգացի Ուլե-Գունար Սուլշերի գլխավորությամբ տանը մրցեց «Բրայթոնի» հետ եւ հաղթեց 2:1 հաշվով: Դաշտի տերերի կազմում աչքի ընկան ֆրանսիացի Պոլ Պոգբան եւ անգլիացի Մարկուս Ռեշֆորդը:
«Մանչեսթեր Յունայթեդը» 44 միավորով բարձրացավ ընթացիկ 5-րդ տեղ՝ հետ թողնելով «Արսենալին» (41 միավոր), որը 23-րդ տուրում կընդունի չորրորդ տեղում ընթացող «Չելսիին» (47 միավոր):
«Մանչեսթեր Յունայթեդը» բոլոր մրցաշարերում 7 անընդմեջ հաղթանակը տարավ Ուլե-Գունար Սուլշերի գլխավորությամբ: Նորվեգացի մասնագետը «Մանչեսթեր Յունայթեդի» պատմության առաջին մարզիչն է, որը մանչեսթերյան ակումբում մեկնարկում է 7 հաղթանակով: Նա գերազանցեց նաեւ Մեթ Բասբին, որը 1946-ին Անգլիայի առաջնությունում հաղթել էր մեկնարկային 5 խաղերում: Մանչեսթերյան թիմը Սուլշերի հետ տարավ 6-րդ հաղթանակը Անգլիայի առաջնությունում:
Պրեմյեր լիգայի նախորդ 5 խաղերում «Մանչեսթեր Յունայթեդը» հաղթել էր «Բորնմութին» (4:1), «Կարդիֆին» (5:1), «Հադերսֆիլդին» (3:1), «Նյուքասլին» (2:0) եւ «Տոտենհեմին» (1:0), Անգլիայի գավաթի խաղարկությունում պարտության էր մատնել «Ռեդինգին» (2:0):
Անգլիայի առաջնություն, 23-րդ տուր
«Լիվերպուլ» - «Քրիսթալ Փելաս»՝ 4:3 (տեսանյութ)
Մոհամեդ Սալահ, 46, 75, Ռոբերտո Ֆիրմինո, 53, Սադիո Մանե, 90+4 - Էնդրոս Թաունսենդ, 34, Ջեյմս Թոմքինս, 65, Մաքս Մեյեր, 90+5
Հեռացում՝ Ջեյմս Միլներ («Լիվերպուլ»), 89, երկրորդ դեղին քարտ
«Մանչեսթեր Յունայթեդ» - «Բրայթոն»՝ 2:1 (տեսանյութ)
Պոլ Պոգբա, 27, 11մ, Մարկուս Ռեշֆորդ, 42 – Պասկալ Գրոս, 72
«Բորնմութ» - «Վեստ Հեմ»՝ 1:0
Կալում Ուիլսոն, 53
«Նյուքասլ» -«Կարդիֆ»՝ 3:0
Ֆաբիան Շյոր, 24, 63, Այոս Պերես, 90+3
«Սաութհեմփթոն» - «Էվերտոն»՝ 2:1
Ջեյմս-Ուորդ Պրաուս, 50, Լուկա Դին, 64, ինքնագոլ - Գիլֆի Սիգուրդսոն, 90+1
«Ուոթֆորդ» - «Բարնլի»՝ 0:0
«Վուլվերհեմփթոն» - «Լեսթեր Սիթի»՝ 4:3
Դիոգու Ժոտա, 4, 64, 90+3, Ռայան Բենետ, 12 – Դեմարայ Գրեյ, 47, Քոնոր Քոդի, 51, ինքնագոլ, Ուես Մորգան, 87
«Արսենալ» - «Չելսի»՝ 21:30 (Երեւանի ժամանակ)
Հետևեք NEWS.am SPORT-ին Facebook-ում, Twitter և Telegram-ում
18:50 , 19 ապրիլի 
18:32 , 19 ապրիլի 
17:45 , 19 ապրիլի 
16:10 , 19 ապրիլի 
15:09 , 19 ապրիլի 
14:14 , 19 ապրիլի 
13:44 , 19 ապրիլի 
13:15 , 19 ապրիլի 
12:50 , 19 ապրիլի 
12:14 , 19 ապրիլի 
