Անգլիական «Մանչեսթեր Յունայթեդի» գլխավոր մարզիչի պաշտոնակատար, նորվեգացի Ուլե-Գունար Սուլշերը խոսել է ձմեռային տրանսֆերային պատուհանի ժամանակ թիմի ծրագրերի մասին:
«Չեմ սպասում, որ այս ամիս ակումբը կգնի նոր խաղացողի: Ինչ վերաբերում է կիսապաշտպան Սկոթ ՄաքԹոմինայի հեռանալու մասին լուրերին, ապա նա հիմա ջանասիրաբար մարզվում է: Նա երիտասարդ տղա է, որին ես հավատում եմ: Մենք աշխատում ենք նրա պայմանագրի վրա:
Հաշվի առնելով վնասվածքները, Մարուան Ֆելաինիի առկայությունը, մեր կազմը՝ ես վստահ չեմ, որ մեր կողմից տրանսֆերային շուկայում կլինի որեւէ շարժում»,- Սուլշերի խոսքը մեջբերում է Sky Sports-ը:
Անգլիայի առաջնության 23-րդ տուրում «Մանչեսթեր Յունայթեդը» հունվարի 19-ին կընդունի «Բրայթոնին»:
Հետևեք NEWS.am SPORT-ին Facebook-ում, Twitter և Telegram-ում