«Գանձասար-Կապանն» ունի երկու նորեկ։ Ակումբը մեկ տարվա պայմանագիր է կնքել 24-ամյա ֆուտբոլիստ Համլետ Ասոյանի հետ, որը նախկինում էլ հանդես է եկել «Գանձասար-Կապանում»։ Սյունիքը ներկայացնող թիմի կազմում նա մասնակցել է 16 հանդիպման։
Համլետ Ասոյանի նախորդ ակումբը Երևանի «Արցախն» էր։
«Գանձասար-Կապանը» նաեւ 1,5 տարվա պայմանագիր է կնքել 25-ամյա եզրային պաշտպան Արման Հովհաննիսյանի հետ։
Հովհաննիսյանը «Փյունիկի» դպրոցի սան է, հանդես է եկել նաև «Ալաշկերտ», «Շիրակ», «Արարատ-Արմենիա» ակումբներում։
2017/18 մրցաշրջանում 25-ամյա ֆուտբոլիստը խաղացել է Ուկրաինայի Բարձրագույն խմբի առաջնությունում հանդես եկող «Զիրկա» ակումբում։
Հետևեք NEWS.am SPORT-ին Facebook-ում, Twitter և Telegram-ում