Հայկական շախմատի առաջատար Լեւոն Արոնյանը տարին կսկսի Gibraltar Masters մրցաշարով (10 տուր): Հունվարի 21-31-ը Ջիբրալթարում անցկացվելիք ավանդական մրցաշարի հաղթողը կստանա 25 հազար ֆունտ ստերլինգ: Գումարային պարգեւ կստանան 1-15-րդ տեղ գրաված շախմատիստները:
Հայաստանի ներկայացուցիչներից մրցաշարին կմասնակցեն նաեւ Հրանտ Մելքումյանն ու Լիլիթ Մկրտչյանը:
Լեւոն Արոնյանը Gibraltar Masters-ի գործող հաղթողն է: Նախորդ տարի հայ գրոսմայստերն եզրափակիչ թայ-բրեյքում ուժեղ էր գտնվել ֆրանսիացի գրոսմայստեր Մաքսիմ Վաշյե-Լագրավից:
Հետևեք NEWS.am SPORT-ին Facebook-ում, Twitter և Telegram-ում