«Լոռիի» նախկին գլխավոր մարզիչը համալրեց «Ալաշկերտի» մարզչական շտաբը

Ֆուտբոլի Հայաստանի չեմպիոն Երեւանի «Ալաշկերտի» մարզչական շտաբը համալրել է Արմեն Ադամյանը, հաղորդում է ակումբի մամուլի ծառայությունը։

Մրցաշրջանի առաջին հատվածում 51-ամյա մասնագետը գլխավորում էր Վանաձորի «Լոռին», որին մինչ այդ դուրս էր բերել Բարձրագույն խումբ: 

Արմեն Ադամյանը «Ալաշկերտում» աշխատելու փորձ արդեն ունի: 2016-ին նա ընդգրկվել էր Աբրահամ Խաշմանյանի մարզչական շտաբում:

Արմեն Ադամյանն աշխատել է նաեւ Բելառուսի «Դարիդայում», Երևանի «Միկայում», Ուլյանովսկի «Վոլգայում», Սմոլենսկի «Դնեպրում» և Պենզայի «Զենիթում»:

«Ալաշկերտն» Արամ Ոսկանյանի գլխավորությամբ մարզումները կվերսկսի հունվարի 11-ին:

Հետևեք NEWS.am SPORT-ին Facebook-ում, Twitter և Telegram-ում