Պրոֆեսիոնալ բռնցքամարտի հինգ քաշային կարգերում աշխարհի նախկին չեմպիոն Ֆլոյդ Մեյվեզեր կրտսերը խոստովանել է, որ լրջորեն չէր պատրաստվել ճապոնացի Տենսին Նասուկավայի հետ մենամարտին: Ճապոնիայի Սայտամա քաղաքում տեղի ունեցած Rizin 14 մրցաշարի ցուցադրական մենամարտում 41-ամյա ամերիկացին առաջին ռաունդում հաղթել էր տեխնիկական նոկաուտով:
«Ցանկանում եմ Տենսինին շնորհակալություն հայտնել շոուի համար: Նա անպարտելի էր մինչեւ օրս, եւ ես դա արեցի երկրպագուներին ուրախացնելու համար: Տենսինն իսկական չեմպիոն է ու հզոր մարտիկ:
Այս մենամարտից առաջ նախապատրաստական փուլ չեմ անցել: Մի քանի անգամ գնացել եմ մարզադահլիճ եւ մարզվել երիտասարդ չեմպիոն Դակուանի Մեյսի հետ»,- Մեյվերզերի խոսքը մեջբերում է BoxingScene-ը:
Հիշեցնենք, որ այդ մենամարտն ընկերական էր եւ արդյունքը չի ընդգրկվի մարզիկների պաշտոնական վիճակագրությունում: Նացուկավան հանդես է գալիս քիկբոքսինգում եւ խառը մենամարտերում: Այդ մենամարտի համար Մեյվեզերը կստանա 9 միլիոն դոլար:
Հետևեք NEWS.am SPORT-ին Facebook-ում, Twitter և Telegram-ում