Նորվեգացի Ուլե-Գունար Սուշլերի նորամուտը «Մանչեսթեր Յունայթեդի» գլխավոր մարզիչի պաշտոնում ստացվեց հաղթական: Անգլիայի առաջնության 18-րդ տուրում մանչեսթերյան թիմը Ուելսում խաղաց «Կարդիֆի» հետ եւ առավելության հասավ 5:1 հաշվով:
Դուբլի հեղինակ դարձավ անգլիացի Ջեսի Լինգարդը, մրցակցի դարպասը գրավեցին նաեւ անգլիացի Մարկուս Ռեշֆորդը, իսպանացի Անդեր Էրերան եւ ֆրանսիացի Անտոնի Մարտիալը: Երկու գոլային փոխանցում կատարեց ֆրանսիացի Պոլ Պոգբան:
«Մանչեսթեր Յունայթեդը» 29 միավորով 6-րդ տեղում է 8 միավոր հետ է 5-րդ տեղում ընթացող «Արսենալից»:
Նախորդ անգամ «Մանչեսթեր Յունայթեդն» Անգլիայի առաջնության մեկ խաղում հինգ գոլ խփել էր Ալեքս Ֆերգյուսոնի օրոք՝ 2013թ. մայիսին 5:5 հաշվով ավարտելով հանդիպումը «Վեստ Բրոմվիչի» հետ:
Անգլիայի առաջնություն, 18-րդ տուր
«Կարդիֆ» - «Մանչեսթեր Յունայթեդ»՝ 1:5 (տեսանյութ)
Վիկտոր Կամարասա, 38, 11մ - Մարկուս Ռեշֆորդ, 3, Անդեր Էրերա, 29, Անտոնի Մարտիալ, 41, Ջեսի Լինգարդ, 57, 11մ, 90
Հետևեք NEWS.am SPORT-ին Facebook-ում, Twitter և Telegram-ում