Ձմեռային Օլիմպիական խաղերի 5-ակի չեմպիոն, ֆրանսիացի բիատլոնիստ Մարտեն Ֆուրկադն անհաջող է հանդես եկել չեխական Նովե Մեստոյում կայացած աշխարհի գավաթի խաղարկության հերթական փուլում: Սպրինտում 30-ամյա մարզիկը թույլ է տվել 4 վրիպում եւ գրավել 43-րդ տեղը:
4 տարվա մեջ առաջին անգամ Ֆուրկադը միավոր չի վաստակել այն մրցմանը, որում հատել է եզրագիծը: Նախորդ անգամ նրա հետ նման բան եղել էր 2014-ի դեկտեմբերին, երբ ֆրանսիացին 81-րդ տեղն էր գրավել Շվեդիայում կայացած աշխարհի գավաթի խաղարկությունում:
Աշխարհի գավաթի խաղարկությունում Մարտեն Ֆուրկադը 5-րդն է ընդհանուր հաշվարկում:
Հիշեցնենք, որ այս տարվա փետրվարին Հարավային Կորեայի Փհենչհան քաղաքում անցկացված 23-րդ ձմեռային Օլիմպիական խաղերում Ֆուրկադը նվաճել էր 3 ոսկե մեդալ:
Հետևեք NEWS.am SPORT-ին Facebook-ում, Twitter և Telegram-ում