Գերմանական Բունդեսլիգայի 16-րդ տուրում Մյունխենի «Բավարիան» նվազագույն հաշվով առավելության հասավ «Լայպցիգի» նկատմամբ: Միակ գոլը 83-րդ րոպեին խփեց ֆրանսիացի կիսապաշտպան Ֆրանկ Ռիբերին (տեսանյութ): Ավելացված ժամանակում թիմերը ստացան մեկական կարմիր քարտ:
Այս հաղթանակից հետո Գերմանիայի չեմպիոնը վաստակեց 33 միավոր եւ հավասարվեց երկրորդ տեղում գտնվող Մյոնխենգլադբախի «Բորուսիային»: Առաջատար Դորտմունդի «Բորուսիան» այս տուրում 1:2 հաշվով անակնկալ պարտություն էր կրել «Դյուսելդորֆից» եւ ունի 39 միավոր: «Լայպցիգը» 28 միավորով չորրորդն է:
Գերմանիայի առաջնություն, 16-րդ տուր
«Բավարիա» - «Լայպցիգ»՝ 1:0
Ֆրանկ Ռիբերի, 83
Հեռացումներ՝ Ռենատու Սանչեշ, 90+4 («Բավարիա») - Ստեֆան Իլսանկեր, 90+2 («Լայպցիգ»)
Հետևեք NEWS.am SPORT-ին Facebook-ում, Twitter և Telegram-ում