Ամստերդամի «Այաքսի» ու Հոլանդիայի հավաքականի պաշտպան Մատեյս դե Լիգթն արժանացել է Golden Boy մրցանակին, որն իտալական Tuttosport պարբերականն ամեն տարի հանձնում է Եվրոպայի մինչեւ 21 տարեկան լավագույն ֆուտբոլիստին:
Քվեարկության արդյունքում 19-ամյա հոլանդացին շրջանցել է անգլիացի Տրենտ Ալեքսանդր-Արնոլդին («Լիվերպուլ»), հոլանդացի Ջաստին Կլյույվերտին («Ռոմա»), բրազիլացի Վինիսուս Ժունիորին («Ռեալ») եւ իտալացի Պատրիկ Կուտրոնեին («Միլան»):
Քվեարկությանը մասնակցել են 30 լրագրողներ տարբեր երկրներից:
Նախորդ տարի Golden Boy մրցանակին արժանացել էր Ֆրանսիայի հավաքականի եւ ՊՍԺ-ի հարձակվող Կիլիան Մբապեն:
Հետևեք NEWS.am SPORT-ին Facebook-ում, Twitter և Telegram-ում