«Նապոլին» չի պատրաստվում միայն պաշտպանվել «Էնֆիլդում», ասել է իտալական ակումբի գլխավոր մարզիչ Կարլո Անչելոտին «Լիվերպուլի» դեմ Չեմպիոնների լիգայի խմբային փուլի վերջին տուրի հանդիպումից առաջ:
«Շատ հիշողություններ ունեմ «Էնֆիլդից», հատկապես, վերջինը, քանի որ այն ժամանակ «Չելսիի» հետ նվաճեցի չեմպիոնական տիտղոսը:
Վաղը սպասվում է ծանր եւ գրավիչ խաղ: Մենք դուրս կգանք խաղադաշտ եւ կխաղանք մեր սովորական ֆուտբոլը: Կձգտենք վերահսկել խաղը: Վստահ եմ, որ տղաները պատրաստ են պայքարին եւ տրամադրված են մինչեւ վերջ խաղալ նպատակին հասնելու համար: Մենք կձգտենք գրոհել»,- Անչելոտիի խոսքը մեջբերում է ՈւԵՖԱ-ի մամուլի ծառայությունը:
«Լիվերպուլ» - «Նապոլի» հանդիպումը տեղի կունենա դեկտեմբերի 11-ին եւ կմեկնարկի Երեւանի ժամանակով կեսգիշերին:
C խումբ. «Նապոլի»՝ 9 միավոր, ՊՍԺ՝ 8, «Լիվերպուլ»՝ 6, «Ցրվենա Զվեզդա»՝ 4:
Հետևեք NEWS.am SPORT-ին Facebook-ում, Twitter և Telegram-ում