Իսպանիայի առաջնության «Ժիրոնա» - «Բարսելոնա» հանդիպումը տեղի չի ունենա ԱՄՆ-ում: «Բարսելոնան» պաշտոնական հայտարարությամբ հրաժարվել է խաղալ Հյուսիսային Ամերիկայում:
«Գիտակցելով, որ բոլոր կողմերը չեն կարողանում համաձայնության հասնել տվյալ առաջարկի վերաբերյալ, «Բարսելոնան» հրաժարվում է իր պատրաստակամությունից խաղալ Մայամիում: Մենք ունեինք ցանկություն խաղն անցկացնել ԱՄՆ-ում, գիտակցում էինք բոլոր շահույթները, բայց քանի որ համաձայնություն չկա, այս նախագիծը չի կարող իրագործվել»,- ասվում է կատալոնական ակումբի պաշտոնական հայտարարությունում:
«Ժիրոնա» - «Բարսելոնա» հանդիպումը նախատեսված էր անցկացնել հունվարի 27-ին Մայամիում: Նախաձեռնությանը դեմ էին Իսպանիայի ֆուտբոլի ֆեդերացիան, ՖԻՖԱ-ն, Պրիմերայի մյուս ակումբները:
Հետևեք NEWS.am SPORT-ին Facebook-ում, Twitter և Telegram-ում