Հայաստանի ազգային հավաքականը նախախաղային մարզում է անցկացրել Լիխտենշտեյնի թիմի դեմ Ազգերի լիգայի խմբային մրցաշարին վերջին՝ 6-րդ տուրի արտագնա հանդիպումից առաջ:
ՀՖՖ մամուլի ծառայությունը հայտնում է, որ մարզմանը մասնակցել են հավաքական հրավիրված բոլոր ֆուտբոլիստները:
Լիխտենշտեյն – Հայաստան հանդիպումը կկայանա նոյեմբերի 19-ին Լիխտենշտեյնի մայրաքաղաք Վադուցում եւ կսկսվի Երեւանի ժամանակով 23:45-ին:
Ազգերի լիգայի D դիվիզիոնի չորրորդ խմբի 5-րդ տուրից հետո մրցաշարային աղյուսակը գլխավորում է Մակեդոնիայի հավաքականը, որը հավաքել է 12 միավոր: Հայաստանի հավաքականն ունի 9 միավոր, Ջիբրալթարը՝ 6, իսկ Լիխտենշտեյնը՝ 3: Հաջորդ փուլի ուղեգիր է նվաճում միայն խմբի հաղթողը:
Ֆոտո՝ ՀՖՖ
Հետևեք NEWS.am SPORT-ին Facebook-ում, Twitter և Telegram-ում