Ռումինիայի մայրաքաղաք Բուխարեստում շարունակվող ազատ ոճի ըմբշամարտի աշխարհի մինչեւ 23 տարեկանների առաջնությունում Հայաստանի ներկայացուցիչ Անդրանիկ Գաբրիելյանը 74 կգ քաշային կարգում նվաճել է բրոնզե մեդալի գոտեմարտի մասնակցելու իրավունք:
Հայ ըմբիշը 1/8 եզրափակիչում հաղթել է գերմանացի Յոհան Քրիստոֆ Շտայնֆորտին՝ 3:3:
Քառորդ եզրափակիչում Գաբրիելյանը 12:9 հաշվով ուժեղ էր կանադացի Թայլեր Ուիլիյամ Ռոուից: Կիսաեզրափակիում նա պարտվեց ռումինացի Մաքսիմ Վասիլիօգլոյին՝ 1:11:
92 կգ քաշային Սարգիս Հովսեփյանը եւս կշարունակի պայքարը բրոնզե մեդալի համար, սական սփոփիչ գոտեմարտերից սկսած: Որակավորման փուլում հայ ըմբիշը 4:11 հաշվով պարտվեց ադրբեջանցի Շամիլ Զուբաիրովին, որը դուրս է եկել եզրափակչ:
Բրոնզե մեդալների համար գոտեմարտերը տեղի կունենան նոյեմբերի 18-ին:
Հետևեք NEWS.am SPORT-ին Facebook-ում, Twitter և Telegram-ում