Շարունակվում է Արմավիրի քաղաքային ստադիոնի վերակառուցումը: Շինարարական աշխատանքների ընթացքին ծանոթացել են Արմավիրի քաղաքապետ Դավիթ Խուդաթյանը, Հայաստանի ֆուտբոլի ֆեդերացիայի փոխնախագահներ Արմեն Մելքբեկյանը եւ Արմեն Նիկողոսյանը, հաղորդում է Արմավիրի քաղաքապետարանի մամուլի ծառայությունը:
Արդեն պատրաստ են մեկական խաղադաշտ արհեստական եւ բնական խոտածածկով:
Վերակառուցման ավարտից հետո Արմավիրի ստադիոնը կկարողանա ընդունել Հայաստանի Բարձրագույն խմբի եւ եվրագավաթային մրցաշարերի հանդիպումներ:
Հետևեք NEWS.am SPORT-ին Facebook-ում, Twitter և Telegram-ում