ՈւԵՖԱ-ն տեսակրկնապատկերների VAR համակարգը Չեմպիոնների լիգայի խաղերում կարող է կիրառել այս մրցաշրջանում, հաղորդում է BBC-ն:
ՈւԵՖԱ-ի ղեկավարները քննարկում են VAR համակարգն օգտագործել եզրափակիչ խաղերում: Այդ կերպ կազմակերպությունը ցանկանում է խուսափել մրցավարական սխալներից:
Ավելի վաղ ՈւԵՖԱ-ն պաշտոնապես հայտարարել էր, որ VAR համակարգը հաջորդ մրցաշրջանից կիրառվի Չեմպիոնների լիգայում:
Հիշեցնենք, որ այս ամռանը Ռուսաստանում կայացած ԱԱ-2018-ն առաջին աշխարհի առաջնությունն էր, որում օգտագործվեց VAR համակարգը:
Հետևեք NEWS.am SPORT-ին Facebook-ում, Twitter և Telegram-ում