Անգլիական «Լիվերպուլի» գերմանացի գլխավոր մարզիչ Յուրգեն Կլոպը մեկնաբանել է Չեմպիոնների լիգայի խմբային փուլի չորրորդ տուրում սերբական «Ցրվենա Զվեզդայից» կրած սենսացիոն պարտությունը:
«Այդ խաղում մեզ մոտ ինչ-որ բան սխալ ընթացավ: Այդպես լինում է, երբ խաղի ինչ-որ բաղադրիչ իր տեղում չի լինում: Մենք կորցրել էինք մեր ոճը, եւ դա դարձավ պարտության պատճառ: Երբեմն շատ բարդ է այդպիսի իրադրությունում վերադառնալ խաղի մեջ:
Մենք երկու գոլ բաց թողեցինք եւ ստադիոնում ստեղծված մթնոլորտը մրցակցին տվեց հույզերի անհավանական լիցք: Իհարկե, Չեմպիոնների լիգայի չորս խաղում երկու պարտություն կրելու մեջ ոչ մի լավ բա չկա: Պետք է շարունակենք աշխատանքը եւ բացառենք այսպիսի պարտությունները»,- Կլոպի խոսքը մեջբերում է SkySports-ը:
Հիշեցնենք, որ «Լիվերպուլը» Բելգրադում պարտվել է 0:2 հաշվով՝ գոլերը բաց թողնելով 7 րոպեում:
C խումբ
«Ցրվենա Զվեզդա» (Սերբիա) - «Լիվերպուլ» (Անգլիա)՝ 2:0 (տեսանյութ)
Միլան Պավկով, 22, 29
«Նապոլի» (Իտալիա) - ՊՍԺ (Ֆրանսիա)՝ 1:1 (տեսանյութ)
Լորենցո Ինսինյե, 62,11մ – Խուան Բերնատ, 45+2
Մրցաշարային դրություն. «Լիվերպուլ»՝ 6, «Նապոլի»՝ 6, ՊՍԺ՝ 5, «Ցրվենա Զվեզդա»՝ 4:
Հետևեք NEWS.am SPORT-ին Facebook-ում, Twitter և Telegram-ում