«Արցախ» - «Փյունիկ» խաղով մեկնարկեց ֆուտբոլի Հայաստանի Բարձրագույն խմբի 14-րդ տուրի, որի բոլոր խաղերը կանցկացվեն հոկտեմբերի 31-ին: Նախկին «Միկա» ստադիոնում կայացած խաղում դարպասի գրավում չարձանագրվեց՝ 0:0:
Հանդիպումից առաջ 2 ակումբները հրաժեշտ տվեցին Հայաստանի ազգային հավաքականի նախկին պաշտպան Ռոբերտ Արզումանյանին, որը վերջերս ավարտել էր կարիերան:
Հիշեցնենք, որ «Փյունիկը» 33-ամյա ֆուտբոլիստի առաջին ակումբն էր, իսկ «Արցախը»՝ վերջին: Արզումանյանն «Արցախի» հետ պայմանագիր էր կնքել այս ամռանը, սակայն պաշտոնական հանդիպման չմասնակցեց երեւանյան ակումբի կազմում:
«Փյունիկը» Հայաստանի առաջնությունում չհաղթեց չորրորդ խաղում անընդմեջ եւ 21 միավորով չորրորդ տեղում է: «Արցախը» 8 միավորով 8-րդն է:
Հայաստանի առաջնություն, 14-րդ տուր
«Արցախ» - «Փյունիկ»՝ 0:0
Հետևեք NEWS.am SPORT-ին Facebook-ում, Twitter և Telegram-ում