Իտալական «Ռոմայի» բոսնիացի հարձակվող Էդին Ջեկոն ճանաչվել է Չեմպիոնների լիգայի խմբային փուլի երրորդ տուրի լավագույն ֆուտբոլիստ, հայտնում է ՈւԵՖԱ-ի կայքը:
ՈւԵՖԱ-ի կայքում անցկացված քվեարկության արդյունքում Ջեկոն առաջ է անցել Մոհամեդ Սալահից («Լիվերպուլ»), Դավիդ Սիլվայից («Մանչեսթեր Սիթի») եւ Աշրաֆ Հակիմիից («Բորուսիա Դ.»):
Մոսկվայի ԲԿՄԱ-ի դեմ տնային խաղում (3:0) Ջեկոն դարձել էր դուբլի հեղինակ եւ կատարել գոլային փոխանցում: Չեմպիոնների լիգայի նախորդ 2 տուրերի լավագույն ֆուտբոլիստ էր ճանաչվել «Բարսելոնայի» արգենտինացի հարձակվող Լիոնել Մեսին, որը ձեռքի վնասվածքի պատճառով բաց թողեց այս տուրը:
Հետևեք NEWS.am SPORT-ին Facebook-ում, Twitter և Telegram-ում