«Նապոլիի» գլխավոր մարզիչ Կարլո Անչելոտին մեկնաբանել է պորտուգալացի հարձակվող Կրիշտիանու Ռոնալդուի ներկայությունը իտալական Սերիա Ա-ում: Իտալացի մարզիչը Ռոնալդուի հետ աշխատել է Մադրիդի «Ռեալում»:
«Ռոնալդուի տեղափոխությունը հրաշալի է Սերիա Ա-ի իմիջի համար: Իտալիայի առաջնությունում շատ են եղել սուպերաստղեր՝ Մարադոնա, Պլատինի, Զիկո, Զիդան, Ռոնալդո, Շեւչենկո, Կակա, Իբրահիմովիչ:
Բայց նախորդ տասնամյակում արդեն այդպես չէր: Ռոնալդուն կվերադարձնի նախկին փայլը: Նա հրաշալի պրոֆեսիոնալ է: Բայց նրա միակ սխալն այն է, որ նա ընտրել է «Յուվենտուսը»,- Անչելոտիի խոսքը մեջբերում է France Football-ը:
Անչելոտին «Յուվենտուսը» գլխավորել է 1999-2001 թվականներին:
Հետևեք NEWS.am SPORT-ին Facebook-ում, Twitter և Telegram-ում