«Բարսելոնայի» նախագահ Խոսեպ Մարիա Բարտոմեուն հերքել է լուրերը, որ ֆրանսիական ՊՍԺ-ի բրազիլացի հարձակվող Նեյմարը կարող է վերադառնալ կատալոնական ակումբ:
«Նեյմարը չի վերադառնա «Բարսելոնա»: Չեն եղել այդպիսի զանգեր ու հանդիպումներ, մենք չենք բանակցել այդ հարցով»,- Բարտոմեուի խոսքը մեջբերում է Sport.es-ը:
Հիշեցնենք, որ Նեյմարը «Բարսելոնայում» խաղացել է 2013–2017 թվականներին եւ ՊՍԺ է տեղափոխվել 222 միլիոն եվրոյով։ Մամուլում լուրեր են շրջանառվում, որ Նեյմարի ու ՊՍԺ-ի միջեւ պայմանագրի կետերից մեկի համաձայն՝ 2020 թվականի ամռանը նա կարող է 200 միլիոն եվրոյի դիմաց հեռանալ ակումբից:
Հետևեք NEWS.am SPORT-ին Facebook-ում, Twitter և Telegram-ում