Ավանի Ֆուտբոլի ակադեմիայում մեկնարկել է ՀՖՖ մարզչական ՊՐՈ արտոնագրի դասընթացի երկրորդ մոդուլը, որի ծրագրի մեջ մտնում են 2018թ. աշխարհի առաջնության խմբային վերլուծությունը, անցումը պաշտպանությունից հարձակման և հակառակը, ինչպես նաև այնպիսի թեմաներ, ինչպիսիք են խաղի կանոնները, սկաուտինգը, մեդիա ուսուցումը, հռետորական արվեստը, բարոյագիտությունը և էթիկան, գրասենյակի կազմակերպումը, հաղորդում է ՀՖՖ մամուլի ծառայությունը:
Դասընթացին մասնակցում են Ա արտոնագիր ունեցող 13 մարզիչներ Հայաստանից, Սերբիայից եւ Իտալիայից. Արթուր Ասոյանը, Վահե Գևորգյանը, Արթուր Հովհաննիսյանը, Պատրիկ Պապյանը, Էդգար Թորոսյանը, Մանուկ Սարգսյանը, Տիգրան Թադևոսյանը, Հայկ Հովհաննիսյանը, Ավետիս Օհանյանը, Ռադոմիր Կոկովիչը (Սերբիա), Զելկո Մարկովը (Սերբիա), Դեյան Պետկովիչը (Սերբիա), Միկելե Բոնը (Իտալիա):
Հոկտեմբերի 22-ին այս մարզիչները, ինչպես նաև ՀՖՖ հրահանգիչներ Աշոտ Ավետիսյանը, Սուրեն Չախալյանը, Արմեն Սանամյանը՝ պատվիրակության ղեկավար, ՀՖՖ Արտոնագրման բաժնի պետ Վահան Բերակչյանի գլխավորությամբ, կմեկնեն Շվեյցարիայի Նյոն քաղաք, որտեղ Խորվաթիայի, Վրաստանի և Լիտվայի մարզիչների հետ կմասնակցեն UEFA PRO Licence Student Exchange ծրագրին:
ՀՖՖ Մարզչական ՊՐՈ արտոնագրի հերթական մոդուլը կկայանա նոյեմբերին, իսկ դասընթացը կավարտվելի 2019 թ. հոկտեմբերին, երբ մասնակիցները կհանձնեն ավարտական քննությունները։
Հետևեք NEWS.am SPORT-ին Facebook-ում, Twitter և Telegram-ում
18:36 , 24 ապրիլի 
17:31 , 24 ապրիլի 
16:25 , 24 ապրիլի 
15:16 , 24 ապրիլի 
14:08 , 24 ապրիլի 
13:10 , 24 ապրիլի 
12:03 , 24 ապրիլի 
11:07 , 24 ապրիլի 
10:24 , 24 ապրիլի 
09:05 , 24 ապրիլի 
