Սպորտային մարմնամարզության տղամարդկանց Հայաստանի հավաքականը ամբողջական կազմով կմասնակցի հոկտեմբերի 25-ին Դոհայում մեկնարկող աշխարհի առաջնությանը: Արթուր Դավթյանը եւ Վիգեն Խաչատրյանը հանդես կգան բազմամարտում, իսկ Հարություն Մերդինյանը, Արթուր Թովմասյանը եւ Վահագն Դավթյանը` առանձին գործիքների վրա: Բազմամարտիկների արդյունքներին կգումարվեն նաև առանձին գործիքներից մեկական լավագույն ցուցանիշները, որոնք հաշվի են առնվում թիմային պայքարում, հայտնում է ՀԱՕԿ-ի մամուլի ծառայությունը:
Աշխարհի 43-րդ առաջնությունը վարկանիշային է: 24 լավագույն թիմերն իրավունք կստանան մասնակցել 2019թ. աշխարհի առաջնությանը, որը վարկանիշային է Օլիմպիական խաղերի համար:
Հայաստանի հավաքականին Քաթար կուղեկցեն գլխավոր մարզիչ Հակոբ Սերոբյանը, մարզիչներ Արտյոմ Ավետյանը, Կարեն Բաղդասարյանը, Հայկ Նազարյանը: Մրցակարգի համաձայն՝ յուրաքանչյուր մասնակից երկիր պետք է ներկայացնի միջազգային կարգի երկու մրցավար: Այդտեղ Հայաստանը կներկայացնեն Հակոբ Սերոբյանը եւ Արթուր Գյուրջինյանը: Հայաստանի պատվիրակությունը Քաթարից կվերադառնա նոյեմբերի 5-ին, իսկ նոյեմբերի 20-ին հավաքականը կմեկնի Գերմանիա` մասնակցելու աշխարհի գավաթի խաղարկությանը:
Հետևեք NEWS.am SPORT-ին Facebook-ում, Twitter և Telegram-ում
20:50 , 25 ապրիլի 
20:17 , 25 ապրիլի 
19:19 , 25 ապրիլի 
18:02 , 25 ապրիլի 
17:28 , 25 ապրիլի 
17:10 , 25 ապրիլի 
16:45 , 25 ապրիլի 
15:28 , 25 ապրիլի 
14:20 , 25 ապրիլի 
13:56 , 25 ապրիլի 
